اسٹاپ لسٹ میں نام کیخلاف پرویز الہٰی کے پرنسپل سیکریٹری کی درخواست

چوہدری پرویز الہٰی—فائل فوٹو

سابق وزیرِ اعلیٰ پنجاب چوہدری پرویز الہٰی کے پرنسپل سیکریٹری محمد خان بھٹی نے اسٹاپ لسٹ میں نام ڈالنے کے خلاف عدالت میں درخواست دائر کر دی۔

محمد خان بھٹی نے اسٹاپ لسٹ سے نام نکلوانے اور مقدمات کے ریکارڈ کے لیے عدالت سے رجوع کیا ہے۔

انہوں نے امجد پرویز ایڈووکیٹ کی وساطت سے ہائی کورٹ میں درخواست دائر کی ہے۔

درخواست میں ایف آئی اے اور پولیس سمیت دیگر کو فریق بنایا گیا ہے۔

درخواست گزار نے مؤقف اپنایا ہے کہ وفاقی حکومت نے غیر قانونی طور پر نام اسٹاپ لسٹ میں شامل کیا ہے، خدشہ ہے کہ سیاسی بنیادوں پر مقدمات درج کر کے گرفتار کیا جائے گا۔

درخواست میں استدعا کی گئی ہے کہ عدالت مقدمات کا ریکارڈ فراہم کرنے کا حکم دے اور عدالت اسٹاپ لسٹ سے نام نکالنے کی ہدایت بھی جاری کرے۔




Source link

About admin

Check Also

فیصل آباد: سرکاری گندم میں ریت کی ملاوٹ کرنے کا انکشاف

فیصل آباد میں محکمہ خوراک کے عملے کی جانب سے سرکاری گندم میں ریت کی …

Leave a Reply

Your email address will not be published. Required fields are marked *