بلاول بھٹو کی وزارتِ عظمیٰ کی خواہش پر کوئی اعتراض نہیں: حنیف عباسی

حنیف عباسی—فائل فوٹو

مسلم لیگ ن کے رہنما حنیف عباسی کا کہنا ہے کہ بلاول بھٹو کی وزارتِ عظمیٰ کی خواہش پر ہمیں کوئی اعتراض نہیں۔

حنیف عباسی نے لاہور ہائی کورٹ کے باہر ملک کی موجودہ سیاسی صورتِ حال پر میڈیا سے گفتگو کرتے ہوئے کہا کہ استعفے آگئے اور منظور بھی ہوگئے ہیں۔

اُنہوں نے کہا کہ عمران خان نے سیاسی غلطی کی ہے اس کا انہیں خمیازہ بھگتنا پڑے گا، گورنر الیکشن کی تاریخ کا اعلان آئین اور قانون کے مطابق کریں گے، آئین و قانون عمران خان کےتابع نہیں ہو سکتا۔

حنیف عباسی نے کہا کہ پنجاب اور خیبر پختون خوا کے الیکشن میں نواز شریف، شہباز شریف اور مریم نواز لیڈ کریں گی۔

اُن کا یہ بھی کہنا ہے کہ الیکشن میں امیدوار پی ڈی ایم کی طرف سے نہیں بلکہ ہم الگ الگ الیکشن لڑیں گے، مسلم لیگ ن اپنی حیثیت رکھتی ہے اور ہم ان شاء اللّٰہ کامیاب ہوں گے۔

ایفی ڈرین میں سزا کےخلاف مسلم لیگ ن کے رہنما حنیف عباسی کی اپیل پر لاہور ہائی کورٹ میں سماعت ہوئی۔

حنیف عباسی کی درخواست پر جسٹس عالیہ نیلم کی سربراہی میں 2 رکنی بینچ نے کیس کی عدالت میں سماعت کی۔

سماعت کے دوران حنیف عباسی اپنے وکیل احسن بھون کے ہمراہ عدالت میں پیش ہوئے۔

جسٹس عالیہ نیلم کا ایڈووکیٹ احسن بھون سے سوال کیا کہ کیوں نہ کیس کو آئندہ سماعت پر سن لیا جائے۔

ایڈووکیٹ احسن بھون نے سوال کا جواب دیتے ہوئے کہا کہ مجھے کوئی اعتراض نہیں ہے۔

جس کے بعد 2 رکنی بینچ نے کیس کی مزید سماعت یکم فروری تک ملتوی کر دی۔

واضح رہے کہ حنیف عباسی نے 14 سال کی سزا کے خلاف لاہور ہائی کورٹ میں اپیل دائر کر رکھی ہے۔




Source link

About admin

Check Also

سیلاب متاثرہ کسانوں کو گندم کے بیج دیں گے، صوبائی مشیر زراعت منظور وسان

اسکرین گریب سندھ حکومت نے سیلاب سے متاثرہ کاشتکاروں کو گندم کے بیج کی رقم …

Leave a Reply

Your email address will not be published. Required fields are marked *