راجو شری واستو کے خاندان کا مشکل میں ساتھ دینے پر امیتابھ بچن سے اظہار تشکر


آنجہانی بھارتی کامیڈین راجو سری واستو کے خاندان نے ان کی موت کے بعد پہلی اپ ڈیٹ شیئر کردی ہے۔  

یاد رہے کہ راجو 21 ستمبر کو دہلی کے آل انڈیا انسٹیٹیوٹ آف میڈیکل سائنسز میں چل بسے تھے، انہیں 10 اگست کو دل کا دورہ پڑنے پر اسپتال میں داخل کرایا گیا۔

اب ان کے خاندان نے راجو شری واستو کی بالی ووڈ سپر اسٹار امیتابھ بچن کے ساتھ ایک پرانی تصویر شیئر کی ہے، یہ تصویر امیتابھ بچن نے اپنے ایک خصوصی وائس نوٹ کے ساتھ اس وقت بھجوایا، جب راجو اسپتال میں کومہ کی حالت میں زیر علاج تھے۔ 

راجو کی بیٹی انترا نے اس کے ساتھ اپنے خاندان کی جانب سے جو نوٹ تحریر کیا ہے اس میں لکھا ہے کہ ہم امیتابھ بچن انکل کے بہت ہی مشکور ہیں کہ مشکل وقت کے دوران وہ ہم سے روزانہ رابطے میں رہے۔

انترا نے امیتابھ بچن کو مخاطب کرتے ہوئے کہا، آپ کی دعاؤں نے ہمیں بہت ہمت اور مدد فراہم کی، اس پر ہم ہمیشہ آپ کو یاد رکھیں گے۔ 

آپ میرے والد کے لیے ایک نمونہ، ایک عزم اور ایک تحریک تھے، میرے والد نے جب پہلی بار آپ کو بڑی اسکرین پر دیکھا تو پھر ساری زندگی ان کے ذہن میں آپ نقش ہوگئے۔ آپ کا نمبر ان کے دل میں بطور گرو جی محفوظ تھا۔

یاد رہے کہ اپنے وائس پیغام میں امیتابھ بچن نے کومہ کی حالت میں راجو شری واستو سے کہا کہ بہت ہوگیا اب اٹھ بیٹھو اور ہمیں ہنسنے کے متعلق سکھاؤ۔




Source link

About admin

Check Also

ارجن رام پال کی سالگرہ، گرل فرینڈ نے پرتعیش پارٹی دی

بالی ووڈ کے منفرد اداکار ارجن رام پال 26 نومبر کو 50 برس کے ہوگئے۔ …

Leave a Reply

Your email address will not be published. Required fields are marked *