فلم’دی لیجنڈ آف مولا جٹ‘ 200 کروڑ کا ریکارڈ بنانے میں کامیاب

فائل فوٹو 

جیو فلمز کی پیشکش، انسائیکلو میڈیا اور لاشاری فلمز کی شاہ کار فلم ’دی لیجنڈ آف مولا جٹ‘ ریلیز کے بعد باکس آفس پر مسلسل شاندار کارکردگی کا مظاہرہ کر رہی ہے۔

’دی لیجنڈ آف مولا جٹ‘ باکس آفس پر 200 کروڑ روپے سے زائد کا بزنس کرنے والی پہلی پاکستانی فلم بن گئی ہے۔

فلم کی پروڈکشن ٹیم نے ’دی لیجنڈ آف مولا جٹ‘ کے آفیشل انسٹاگرام پیج پر فلمی شائقین کو یہ خوشخبری سنائی ہے۔

پروڈکشن ٹیم کی جانب سے فلم کا ایک خصوصی پوسٹر شیئر کرتے ہوئے لکھا گیا ہے کہ’تمام ریکارڈ توڑتے ہوئے، دنیا بھر میں شاندار پذیرائی حاصل کرنے والی فلم دی لیجنڈ آف مولا جٹ نے پاکستانی سنیما کے لیے 200 کروڑ سے زائد کا بزنس کرکے ایک نیا سنگ میل عبور کرلیا!‘

باکس آفس پر فلم کی اس شاندار کامیابی پر فواد خان اورحمائمہ ملک نے بھی خوشی کا اظہار کیا ہے۔

فلم’دی لیجنڈ آف مولا جٹ‘ 200 کروڑ کا ریکارڈ بنانے میں کامیاب
فلم’دی لیجنڈ آف مولا جٹ‘ 200 کروڑ کا ریکارڈ بنانے میں کامیاب

فلم کے ہدایتکار بلال لاشاری نے باکس آفس پر فلم کی اس شاندار کامیابی پر مداحوں کا شکریہ بھی ادا کیا۔

فلم کی پروڈیوسر عمارہ حکمت نے فلم کی کامیابی کا کریڈٹ ان تمام لوگوں کو دیا ہے، جن کو یقین تھا کہ یہ فلم اتنا بڑا ریکارڈ بنائے گی۔

یاد رہے کہ فلم ’دی لیجنڈ آف مولا جٹ‘جس میں فواد خان اور حمزہ علی عباسی مرکزی کردار ادا کر رہے ہیں، 1979ء کی نامور کلاسک پنجابی فلم ’مولا جٹ‘ کا نیا ورژن ہے۔

بلال لاشاری کی ہدایتکاری میں بننے والی فلم نے ریلیز کے بعد جہاں پاکستان میں بہت سے ریکارڈ توڑے اور نئے تاریخی ریکارڈ بنائے، وہیں مبینہ طور پر بین الاقومی سطح پر برطانیہ، کینیڈا اور امریکہ سمیت دیگر ممالک کی تمام پنجابی اور ہندی فلموں کو بھی پیچھے چھوڑ دیا ہے۔




Source link

About admin

Check Also

اگست 2017 میں واپس جانے کیلئے کچھ بھی کرسکتی ہوں، سارہ علی خان

بالی ووڈ کی خوبصورت اداکارہ سارہ علی خان کی پہلی فلم کیدرناتھ کو ریلیز ہوئے …

Leave a Reply

Your email address will not be published. Required fields are marked *