قبل ازوقت انتخابات کا مطالبہ حکومت پی ٹی آئی مذاکرات میں آڑے آگیا


صدر مملکت ڈاکٹر عارف علوی اور وزیر خزانہ اسحاق ڈار کے درمیان ملاقات کی اندرونی کہانی سامنےآگئی۔

ذرائع کے مطابق قبل از وقت انتخابات کا مطالبہ حکومت پی ٹی آئی مذاکرات میں آڑے آگیا۔ حکومت کا مؤقف ہے کہ پی ٹی آئی کو فوری الیکشن کی شرط سے پیچھے ہٹنا ہوگا۔

صدرعارف علوی نے قبل ازوقت انتخابات کیلئے پی ٹی آئی کا مؤقف دہرایا تو اسحاق ڈار نے حکومت کا واضح پیغام دیدیا کہ عام انتخابات وقت پرہی ہوں گے۔

اسحاق ڈار کا کہنا تھا کہ حکومت کے اتحادی بھی عام انتخابات مقررہ وقت پر کرانے کے حامی ہیں، وفاقی حکومت اسمبلیاں تحلیل نہیں کرے گی۔

خیال رہے کہ آج صدرمملکت عارف علوی سے وزیرخزانہ اسحاق ڈار نے ملاقات کی ہے۔

بدھ کو ایوان صدر سے جاری بیان کے مطابق وزیر خزانہ نے صدر مملکت کو ملک کی مجموعی معاشی صورتحال اور معاشرے کے کمزور ترین طبقات کو ریلیف فراہم کرنے کیلئے حکومتی اقدامات سے آگاہ کیا۔


Source link

About admin

Check Also

میری جنگ آئین کی بالادستی کیلئے ہے، حکومت عام انتخابات کے انعقاد میں سنجیدہ نہیں،عمران خان

چیئرمین تحریک انصاف عمران خان کا کہنا ہے کہ حکومت عام انتخابات کے انعقاد میں …

Leave a Reply

Your email address will not be published. Required fields are marked *