کوہاٹ، ڈیم میں کشتی الٹ گئی،20 بچے ڈوب گئے

کوہاٹ ( Kohat ) کے علاقے زر دسی میں کشتی الٹنے سے 20 بچے ڈوب گئے، 11 بچوں کی لاشیں نکال لی گئی ہیں۔

امدادی ٹیموں کے مطابق کوہاٹ میں واقع تانڈہ ڈیم میں بچے پکنک منانے آئے تھے۔ اس دوران انہوں نے کشتی میں بیٹھ کر ڈیم کی سیر کرنی چاہی۔

کشتی میں 20 طالب علم سوار تھے، جو مدرسے سے تعلق رکھتے تھے، تاہم توازن بگڑ جانے کے باعث کشتی ڈیم کے بیچوں بیچ الٹ گئے۔

حادثے میں جاں بحق 11 بچوں کی لاشوں کو ضروری کارروائی کیلئے ڈی ایچ کیو منتقل کردیا گیا ہے، جب کہ دیگر کی تلاش کا عمل جاری ہے۔

ڈپٹی کمشنر کوہاٹ فرقان اشرف نے سما کو بتایا کہ مقامی ریسکیو کے اداروں کے پاس غوطہ خور نہیں تھے، جس کے بعد پشاور سے غوطہ خوروں کو طلب کیا گیا۔